Cam ye o'er frae France, cam ye doon by Lunnon?
Saw ye Geordie Whelps and his bonnie wumman?
Were ye at the place ca'd the Kittle hoosie?
Saw ye Geordie's grace ridin' on a goosie?
Geordie he's the man there is little doubt o't
He does a' he can, wha can dae withoot it?
By there cam' a blade linkin' like my lordie
He would drive a trade at the loom o' Geordie
Though the claith were bad, blythely may we niffer
Gin we get a wab, it mak's little differ
We would taint oor plaid, bonnet, belt and swordie
Ha's the mailin's braid, but we hae a Geordie
Jocky's gone tae France, and Montgomery's lady
There they'll learn tae dance, "madam are you ready?"
They'll be back belyve, belted, brisk and lordy
Brawly may they thrive, tae dance a jig wi' Geordie
Hey for Sandy Don, hey for Cockalorum
Hey for Bobbin' John and his Heilan' quorum
Many' a sword and lance swings at Heilan' hurdie
How they'll skip and dance, o'er the bum of Geordie
Le Ultime News
Sei appassionato di cucina? Ecco qualche consiglio per te