Filmriss Pt.2 Testo

Testo Filmriss Pt.2

Fuck alles dreiht sich, y weiss nid, ob-y drhei bi.
Ha glaub e bleichs Gsicht, doch mi Aug erlaubt kei Blick.
Mir hän g'lööted wie die Gröschte, pöbled wie die Blöde,
nid dra dänkt was andri sage und druf gschisse, so wie Möwe.
Oh ja, mir hän uns benoh wie Rockstars
und jetzt brennt mi Hals, als wär mi Name Gotthard.
Ych fühl mi wie e Clochard und brüücht e Labrador,
wo mir arme Tropf dr Wäg zeigt bis zum Lavabo.
Denn y bi no blind, doch ha Durscht wie es Dromedar.
Werum goht's mir denn so schlimm? Sorry, kei Kommentar.
Viellicht soviel, d'Situation isch alles anderi als komisch,
wil ych uffstoh will, doch verdammt, das goht nid!
Es isch kuum tragbar und trotzdäm mach mi startklar,
obwohl ych numme Umriss gseh, als wär mi Kopf e Radar.
Immer langsam, aaaargh...isch das müehsam!
Gescht hetts no besser klappt, das mit em Wäg zum Küehlschrank.

Y Frog mi, was hütt los isch. Werum mi Kopf so gross isch.
Was-y geschter gmacht? Frog nid.
Bim ene Filmriss kriegsch nid viel mit und y find's nid wirklich komisch.

Es dreiht sich immer no und es könnt kuum schlimmer ko.
Uf em Wäg ind Kuchi ha ych mir ins Zimmer kotzt.
Ych fühl mi wie e Buschi wo muess Spuure hinterloh,
bi gfickt wie e Muschi. Doch hoff nid y stink e so,
als hätt ych die Nacht in ere Mülltonne verbrocht,
doch befürcht's fascht, so viel Stutz han-y verlocht.
Tja, s'Läbe isch halt mängmol hart wie e Backstei
und mi Läbere fühlt sich kalt aa, wie e Stück Hackfleisch.
Hoff nid die ganz Stadt weiss, was mir widerfahre isch.
Y wünsch mr Wasser, Aspirin und ändlich e klare Blick.
Doch y glaub nid, dass das Medikamänt zur Stärkig grad längt,
jetzt bruucht's ganz viel Schloof, süscht bin-y fertig am Änd.
Gsehsch wie ych kämpf und wie ych mich beweg?
Dr Blick in Spiegel seit, ych gseh us wie es Skelett.
Mit Augering, dräckig wie Brüllegläser,
so schwank-y richtig Kuchi, s'goht nümme schräger.

Y Frog mi, was hütt los isch. Werum mi Kopf so gross isch.
Was-y geschter gmacht? Frog nid.
Bim ene Filmriss kriegsch nid viel mit und y find's nid wirklich komisch.
Y Frog mi, was hütt los isch. Werum mi Kopf so gross isch.
Was-y geschter gmacht? Frog nid.
Zumindest hütt, viellicht au morn, blyyb-y clean und schaffs au ohni.

Wenn's so wytter goht mit Alkohol, bin-y bald scho tot.
Jä man, fick Bier, fick Schnaps, fick Alkohol!
Eifach mol entspanne, am Samstig nümm trinke.
Y will ändlich mi Glück finde und das Stück binde.
Mi Mueter in dr Kuchi so: Si könni nid numme schwyyge
und frogt, wenn mini Flegeljohr ändlich umme syyge.
Ych söll's 're nid übel näh, wenn sie mit mir drüber schwätzt,
sie würd mi gärn mit Wasser wecke, wenn sie e Kübel hätt.
Doch y ha kei Luscht uf Usstusch nach dere Sufftour.
Y weiss ych bin e Lussbueb, doch ein wo immer graduss luegt.
Dr harti Siech, wo si Ziel aavisiert
und sich nid loht aabezieh, das isch kei Klagebrief.
Nei, ych bi s'warte müed und weiss, dass Alk dr Frust stillt,
doch teilwyys bruuch-y son e Suff, wil das isch wien e Schutzschild.
So ei, zwei mol im Monet, sött's scho dinneliege
und y weiss y wird mi hasse drfür und zwor immer wieder