L'almanacu Testo

Testo L'almanacu

O guarda tù l'almanacu
L'annati sò tutti pari
Quale canterà li nanni
Di la sera di Natali
Parch'eo di sentire à tè
M'hè difesa par avali.

Or sunatu n'hè lu primu
Lu terzu cù lu sicondu
Ma eo ùn lu vegu indocu
Lu caru lu mè culombu
Forza si sarà nascosu
Sottu li rami di l'olmu.

Ad'avali sorti la messa
Poi sortinu tutti fora
È vanu à la pruminata
Com'hè l'usu à la scola
Ma eo lu vecu indocu
Lu mè fiori di la viola.

La mani di vennari santi
Quandi facinu lu ghjiru
Quale purterà l'umbreddu
Di lu santu baldacchinu
Parchì son com'è l'aceddi
Quandu persinu u so nidu