El Puunt Testo

Testo El Puunt

Vasco Rossi, il Live Kom ‘016 parte da Lignano Sabbiadoro
Suta el puunt in de dorma el sass, passa l'unda cumè una frusta
Passa el veent in de la ca del ragn e la luserta equilibrista, ruverà la rattapignoela e la nocc che la rastrèla el laagh
tuta l'acqua la paar catràmm...suta el punt ghe sun dumà me...

Diisi cume mai...seet gnamò ruvada e me lasset che insèma ai tocch de legn
gh'è dumà el riflèss de la luus de Lèscen e poe gh'è un'umbriia in soe'l tò balcon

trema trema candela storta, trema foemm de la sigarèta,
trema coer che và innaanz e indree...trema pass che fa pioe frecass...
quanti nocc suta sta finestra a sugnà de sultà deent
quanti nocc suta el puunt de 'Zzàn per basàss cumè duu assassèn

Diisi cume mai me sun chè scunduu e sun chè a parlà insema ai ratt de fogna
Mentre gh'è un omm in de la tua cà...senza la camisa e cul buceer in mànn

Te speciavi cun scià una roesa adess te speci cun scià un bastòn
La finestra la paar quel quadru che speravi de mai vedè
Sun restaa foe del tò disègn, sun restaa foe de la curniis
Sun restaa foe de la finestra e 'l mè sogn el gh'ha scià i valiis

Diisi cume mai...seet gnamò ruvada e me lasset che insèma ai tocch de legn
gh'è dumà el riflèss de la luus de Lèscen e poe gh'è un'umbriia in soe'l tò balcon

Diisi cume mai me sun chè scunduu e sun chè a parlà insema ai ratt de fogna
Mentre gh'è un omm in de la tua cà...senza la camisa e cul buceer in mànn

Suta el puunt in de dorma el sass passa l'unda cumè una frusta
Passa el veent in de la cà del ragn e la luserta equilibrista...
Suta el punt in de dorma el sass questa nocc durmiroo anca me
Gh'è una roesa che sfida l'unda...e galègia anca el mè baston.
Questo sito web utilizza cookie di profilazione di terze parti per inviarti pubblicità e servizi in linea con le tue preferenze e per migliorare la tua esperienza. Se vuoi saperne di più o negare il consenso a tutti o ad alcuni cookie consulta la cookie policy. Chiudendo questo banner, scrollando la pagina o cliccando qualunque elemento sottostante acconsenti all'uso dei cookie.