Mad Max Testo

Testo Mad Max

Una tera senza facia e person vestii de strasc, el suu l'è dumà un ostia scunduda dedree al foemm, i straad i henn senza nomm e i nomm g'hann pioe una strada, mercenari cul breviari e la katana.

Specium un Messia che forsi ruverà in tratuur, pulver e ancamò pulver in tuuc i scarp e tucc i oecc, i fioe fann el tirassegn cun l'ultim girasuu gh'è pioe speranza, pioe pazienza, pioe nagott.

Giacobbe el fa un balcon cui manifesti dii elezioni, el mira el cararmaa stravacaa in mezz ai galèn, vagabondi cun la giacheta rinfurzada cui cupertoni, varden giò in tera per pruvà a trovà quajcoss.


E anca incoe sem che a specià
che maruda una quaj profezia,
proevum a scriiv soel cuverc dell'infernu
un'oltra Ave Maria

E anca incoe quajvedoen el prova a fa
el so disegn pussee bell
e come un quaderno un tocch de lamera,
un muur o se no la sua pell.

Una volta gh'erum tutt e se incazzavum per veech pussee, adess che gh'èmm pioe nagott tegnum de cuunt anca i pensee, vurevum dacch la culpa ai Maya, a un'asteroide o anca al suu, ma regalà la culpa ai oltri hemm mea puduu

Due gh'era la città l'è restada la sua parudiia, palazzi de quattru piani che paren deenc cariaa, l'Apucaliss l'è mea staada un boato straurdinari, l'è ruvada cume un pitt, ma senza fin

Stamatèna un furestee l'ha regalaa i sò scarponi, l'era tantu, tantu teemp che vedevum mea un suriis, l'ha cuntaasoe tanti stori, l'ha cantaa duu o trii canzoni,l'ha dumandaa se questa volta gh'emm intenzion de dacch a'trà

E anca incoe sem che a specià
che maruda una quaj profezia,
proevum a scriiv soel cuverc dell'infernu
un'oltra Ave Maria

E anca incoe quajvedoen el prova a fa
el so disegn pussee bell
e come un quaderno un tocch de lamera,
un muur o se no la sua pell.

E forsi incoe quajvedoen l'è riussii a fa el so disegn pussee bell, i oecc de sto furestee che pareven i nost quaand vardavum i steel, i oecc de sto furestee che pareven i nost quaand vedevumi stell.