Cirque Testo

Pony's in een partytente,
de cirque is wer int land.
Mobilhomes in mariakerke
geparkeerd in groepsverband.

Kindjes roln in 't ges en under vaders peizen ant meisken
van den drank.

Idderjin doet olles doare.
De sterre van de show werkt wok achter de tuog tegoare
met de vrouwe van de clow.

Kindjes roln in 't ges en under vaders peizen ant meisken
van den drank da vuorig jor zuo goed was.

Cirque is in 't land.
Cirque is in 't land.

De struomgroep stienk van euren verre
en makt een suort kabaal,
t komt percis nuoit an zin ende
mor dat is duodnormael.

Kindjes roln in 't ges en under vaders peizen ant meisken
van den drank met eur accent da ze verdrukt t is hjillegangs
ni mis pertank.
De bjisten zin vervang deur gasten in een derderangs kostume
van met carnaval.
En der is gin fjiste mi
wan de minsen bluvven thus,
en de bjisten zin ol ziek
van den iwwige verrus.

Cirque is in 't land.
Cirque is in 't land.

Cirque is in 't land.
Cirque is in 't land.