Düür an Düür Testo

Testo Düür an Düür

Bei uns em Huus do wohnt ne Jung vun sibbe Johr,
ne leeve Kääl met scheuem Bleck un koote schwatze Hoor.
Kom hä de Trepp erafjefääch un trof op fremde Lück,
dann wot hä janz verläje un maht sich us demm Stübb.
Ich han en ens jehoot, er heulte janz leis vör sich hin,
si klei´Jeseech vun Trone naß, kunnt mr nit övversinn.
Woröm dä Klein am kriesche wor? Ich han en nit jefroch,
wä weiß wodran et loch.

Düür aan Düür, su lääve mer,
un keiner kennt dä andre.
Kein Zick, Kein Rouh - nur koot Hallo,
su lääv mr Düür aan Düür.

Un dann wo do dä Jipsverband an singem rächte Foß,
blaue Flecke em Jeseech, do daach ich bei mir bloß:
Die Bühle un die Schramme sin von dr Toberei,
hück weiß ich: All sing Nut und Ping jon nie för en vorbei
Jetz weiß ich, dat hä Denis heiß, wie schwer et för en wor,
Sing Mamm,die hatt en nit jewollt, se wor eets 20 Johr,
singe Papp hätt en jeschlage un ständig schikaniert,
hätt ich doch besser opjepass - hätt ich doch reajiert.

Düür aan Düür, su lääve mer,
un keiner kennt dä andre.
Kein Zick, Kein Rouh - nur koot Hallo,
su lääv mr Düür aan Düür.

Su dicht zesamme un nix kritt mr mit,
wie einer et Levve vun nem andre zertritt,
mr steiht donevven, ohne dat mr`t bejrief,
es et wirklich ejal, wat dä Nober su drief?

Düür aan Düür, su lääve mer,
un keiner kennt dä andre.
Kein Zick, Kein Rouh - nur koot Hallo,
su lääv mr Düür aan Düür.