Tù Mi Dai à Manu Testo

U mondu pienghje
Si sente more
U mondu trema di mal campà
È face notte daretu à l'ore
U mio figliolu chì ci voli fà
Stasera dormi tesoru bellu

Ùn possu micca ùn possu o Bà
Aghju lu core sin'à quallà
Chì và
Chì và

Tù Mi Dai A Manu
Andaremu o Bà
Girà lu mondu sanu
L'umanità
Purteremu l'amore à chì ùn ne hà

Sse Mamme sole chì si ne vanu
È ssu zitellu chì nascerà
Ùn canta mai u so veranu
U mio figliolu chì ci voli fà
Stasera dormi tesoru bellu
Ùn possu micca ùn possu o Bà
Aghju lu core sin'à quallà
Chì và
Chì và

Ci hè un battellu chì frisgia l'onde
A luna bella l'aiuterà
Anch'eiu o Bà, vogliu risponde
U mio basgiucciu sin'à quallà
Chì và
Chì và

Tù Mi Dai A Manu
Anderemu o Bà
Girà lu mondu sanu
L'umanità
Purteremu l'amore à chì ùn ne hà