Si Te Credisse Testo

Si te credisse dareme martiello
e c'haggia felatiello,
ca faie la grande e me ne 'ncricche lu naso,
va' figlia mia ca marzo te n'ha raso.
Passaje lu tiempo ca Berta filava
e ca l'auciello arava,
e cchiù nun sento Ammore ca me chiamma,
sculata è Patria mò nun c'è cchiù mamma.
Và c'hanno apierto ll'uocchie li gattille,
so' scetate li grille, si nun ce sta speranza a sti bellizze
và spiezzate lu pere quanno 'mpizze.
E haggio puosto la mola de lu sinno
né cchù me movo a zinno,
e già cunosco da la fica l'aglio
a 'stu curtiello tuojo cchiù nun me taglio.