Si Vide All'animale Testo

Testo Si Vide All'animale

Si vide all'animale,
ca stanno 'ncopp''a terra
tu pienze sempe a mmale,
tu vide sempe guerra!
'O cane, cu nu strillo,
vo' muzzeca' 'o muscillo,
ca afferra 'o suricillo
pure 'a dint''o mastrillo!
Marame'! Siente, sie'!
Che battaglia, neh!
'A vorpa po' ca è ffina,
aunita cu 'a faina,
s'arrobba a na gallina,
l'azzanna e s''a strascina.
Marame'! Siente, sie'!
Quant'arruobbe, neh!
'O lupo, preputente,
comme si fosse niente,
se mette sott''e diente,
'na pecora 'nnucente.
Marame'! Siente, sie'!
Chella more, 'mbe'!
Largo e tunno
chisto è 'o munno:
pure ll'uommene, se sa,
s'hann''a massacra'.
Che l'afferra
ca 'na guerra
ogne tanto s'hadda fa'?
Forse pe' sfulla'?!
So' 'e putiente,
malamente,
ca cchiù 'a vorza hann''a 'ngrassa',
senz'ave' pietà.
'O prugresso?
More 'o fesso!
Ih che bella civiltà!
Che mudernità!
Neh ma overo simme fatte
puorche crape pulicine,
ca ce accidono pe' niente,
ca ce levano 'e stentine?
Nun servimmo p''e ccustate
p''e ssacicce p''o ppresutto.
Nun cacciammo brodo e latte
pe' nun dicere uno 'e tutto.
Ccà nuie simmo crestiane,
e tenimmo 'o core 'mpietto.
E c'è cara 'a vita nosta,
perciò merita rispetto.
E vedimmo, pe' 'stu fatto,
'e campa' cu 'a legge 'e Ddio!
'Nnanze a Ddio nuie simmo eguale:
nun ce stanno "tu" e "io".
Ma però 'e Cumandamente
se rispettano? Nun sempe!
E se sape, 'o munno è tristo.
Chisti ccà so' brutti tiempe.
E ma allora, 'o munno è tristo
e nisciuno 'o pò cagna'?
Mo nce vo', 'e Cumandamente
nun se ponno rispetta'?
Una è 'a guerra ca ce spetta:
e purtroppo l''imm''a fa',
chella llà ca tutt''e juorne
se cumbatte pe' campa'.
'O cane, cu nu strillo,
vo' muzzeca' 'o muscillo,
ca afferra 'o suricillo
pure 'a dint''o mastrillo!
Marame'! Siente, sie'!
Che battaglia, neh!
'A vorpa po' ca è ffina,
aunita cu 'a faina,
s'arrobba a na gallina,
l'azzanna e s''a strascina.
Marame'! Siente, sie'!
Quant'arruobbe, neh!
'O lupo, preputente,
comme si fosse niente,
se mette sott''e diente,
'na pecora 'nnucente.
Marame'! Siente, sie'!
Chella more, 'mbe'!
Copia testo
  • Guarda il video di "Si Vide All'animale"
Questo sito web utilizza cookies di profilazione di terze parti per migliorare la tua navigazione. Chiudendo questo banner, scrollando la pagina acconsenti all'uso dei cookie.leggi di più