Pronto, So Mé! (Prim Tòc) Testo

Testo Pronto, So Mé! (Prim Tòc)

L’otra nòcc a Cevo, ‘n Valcamònega
O ‘ncrusàt ü scemo c’al gnìa ‘n sö
Öna Golf a ciot da la mé banda
‘l m’è pasàt a tat issé dal specì
E ‘l ma gnìa ‘n mént ol titol söl giurnal
“sabet nòcc, trì zùen in dü frontal
All’origine de töt con ogni probabilità
Ü miss de alcol e velocità
De öna banda ü lì ‘ndàa a cà so al fì ‘lla sira
De chèl’otra chì de Berghem i à sbagliat la mira
Ghèra ‘l Paolo G, ol Cochet ciòc
Ghéra ‘l Manager dol Bepi fò come ü sömmiòt
Töt chi zùen lé chi suna fò de co
Doma i barlafüss i è ‘n gir in piena nòcc
I völ fàm pasà per bambo a mé!
Ocio semper, semper ardàs indré!
I völ fat pasà per bambo a te!
I völ dit lur chi ca to sé!
L’otra nòcc turnàe a ca e lé ala Selva
Tri sturdìcc i era dré a fa autostop
I era al fosc e i la cüntàa ‘n mès ala vià
Quase quase na ule ü per cantù
E ‘l ma gnìa ‘n mènt ol titol söl giurnàl
“sabet nòcc, tri zuén a l’uspedàl
All’origine de töt con ogni probabilità
Ü mìss de alcol e velocità
Da öna banda chèstce ché chi dumandàa ü strèp
De chèl otra chèl oter c’al tegnìa sö tép
Chi lé i sa crèt di star i fa chèl c’al ga par
Li ‘ndàa a düsento a l’ura per rià fò al bar…
I völ fàm pasà per bambo a mé!
Ocio semper, semper ardàs indré!
I völ fat pasà per bambo a te!
I völ dit lur chi ca to sé!
E ‘l ma gnìa ‘n mént ol titol söl giurnal
“sabet nòcc, ol Bepi al marca mal !