Sendeschluss Testo

  • Home
  • >
  • B
  • >
  • BAP
  • >
  • Zwesche Salzjebaeck Un Bier (1984)
  • >
  • Sendeschluss

Testo Sendeschluss

Samsdaachohvend, Ohnsorg läuf,
övverm Hof spillt einer Klavier.
Drusse rähnt et, Mama schlööf
zwesche Salzjebäck un Bier.
Lottozahle, wieder nix,
Woot zem Sonndaach, Tagesschau.
Papa litt ald lang em Bett,
noh der Sportschau wohr e blau.
"Weil dä F.C. su niemohls Meister weed...", sähte
un övverhaup: Hä will sing Rauh.

Samsdaachnaach - fass ohne Ton,
noch ne Spätfilm em Projramm,
irjendjet met nem Spion,
dä durch Muhre luhre kann.
Cadillacs un Crime un Sex,
vill Klamauk un reichlich Stuß
met Showdown un Happy-End
met nem falsche Zungekuss,
halt su, wie mer't vun dausend Filme kennt.
Donoh dann endlich Sendeschluß.

Jetz stonn ich he'n Augsburg vüür der Hall,
ich lauf he römm sick koot noh drei,
weil ich halt noh dämm Film janz leis,
durch die Tür benn, aus, vorbei.
E bessje Muffe hat ich schon,
wat meinste wohl, wie mer nahx friert?
Hätt besser jet mieh injepack,
nit nur he dat Breefpapier.
Bess Frankfurt ne Container-Truck
un sick Stuttgart schriev ich dir.

Aja, Kerstin heiß ich, kumm uss Kalk,
fuffzehn weed ich noch diss Johr.
Do denks bestemp, ich hätt ne Knall.
Klar, wieso tramp ich üch noh?
Ihr saat, ihr hatt kein Jobs mieh frei,
"Lämgs komplett" , 'sch wööt nit jebroot.
Wieso bloß? - 'sch wöör su jähn dobei,
'sch hatt jedaach, dat ihr verstoht.
Saach, jeht dä Abfuck eintlich nie vorbei?
Dat och noch ihr mich hängeloot!!!