Met Wolke Schwaade Testo

Op dä Südbrück stonn ich off Stunde, immer widder
luhr ich dä Möve un dä Schleppkähn noh,
loss ming Jedanke frei.
Ne Jüterzoch un ungendurch dä Rhing flühß wigger,
su wie sick Johr un Daach, als ob nix wöhr,
stumm, majestetisch ahn dä Stadt vorbei.

Dä Fluss ess grau un schwer die Wolke övver Kölle.
Ming Stadt ess alt, dat heiß: nit häßlich,
nur jet zo plump jeschmink. Die Uferstein allein künnte vill verzälle.
Womöglich dunn die dat sujar, su laut se künne,
bloß mir sinn taub un blind.

Refr.:
Ich däät ens jähn met Wolke schwaade,.
Ich wöss vum Ring jähn, watte denk.
Ich wöss jähn, wodrop mir noch waade,
wat uns wie Lemminge en Richrung Affjrund lenk.

Kölle - Berlin, em Fliejer will ich dat he schrieve.
Die Naach ess wolkelos, do unge funkelt Kassel ... schon vorbei.
Ich frooch mich : Wat ess met mir loss? Benn ich ahm övverdrieve?
Da kütt die Stewardess, ob ich ne Wunsch hätt,
"Nä, 's alles einwandfrei!"

Refr.:
Ich däät ens jähn met Wolke schwaade,.
Ich wöss vum Ring jähn, watte denk.
Ich wöss jähn, wodrop mir noch waade, wat uns wie Lemminge en Richrung Affjrund lenk