Wat Schriev Mer En Su Enem Fall? Testo

  • Home
  • >
  • B
  • >
  • BAP
  • >
  • Altre Canzoni
  • >
  • Wat Schriev Mer En Su Enem Fall?

Testo Wat Schriev Mer En Su Enem Fall?

Vier Uhr ess et, morjens, Ende Dezember. Ich schriev, weil ich wesse will: Jeht et dir besser? Die Stadt ess jetz kalt, wat öm die Zick normal ess un trotzdämm Musik, jenachdämm wo du langjehs. Stemmp et, datt´e Huus baus, irjendwo, wo keiner dich kennt un dat du ahn nix mieh gläuvs, als Nirjendwo-Mann erömrenns? Jane kohm heim met ner Art Souvenir un saat, dat hätt se vun dir, sick dä Naach, als du lossleets bei ihr, kohms du je loss vun ihr? Als ich dich zoletz troof, do soochste nit joot uss, Räänmantel, Turnschoh, et Hemp uss der Bozz eruss, leefs jraad zum Bahnhof: "Nur jo nit verpasse, falls sie jraad hück ahnkütt!" ...ir´ndsujet saatste. Un wenn du dohmols en Frau hatts, mieh uss Zofall, als ir´ndwie jeplant, wollts du nix vun ihr hühre, nur spüre, wofür du bezahlt. Ich sinn dich met dä Ruus zwesche dä Zäng, dämm Ring uss Jold, dä dir´m Uhr hängk, en ner Bilderbooch-Naach, ich hühr noch wie se laach. Wat kann ich dir saare, Mann, wat soll ich saare? Wat schriev mer en su enem Fall? Gläuv fass, ich vermess dich, verzeih dir. Wie maach et dir jonn, Mann? Nä, da´s nit ejal! Hey, wenn du jemohls vorbei küss, he bei Jane oder bei mir, will ich, dat du ein Saach weiß: Ich benn lange keine Feind mieh vun dir, denn ich dank dir dofür, dat du se befreist, ich hann et kapiert, deit mer leid.Hätt et selvs nie probiert, tja, ess einijes passiert sick dohmols, du met dä Bloom en dä Zäng, dich hatt uns dä Himmel jeschenk. Ich sinn, Jane weed jraad wach. "Schöne Jrooß!" säthse´n laach.