Dr Summer Davor Testo

  • Home
  • >
  • G
  • >
  • Gimma
  • >
  • Altre Canzoni
  • >
  • Dr Summer Davor

Testo Dr Summer Davor

I waiss no, dini auga spieglend s meer I han sie gseh, oh ja I waiss no, en spiegel glatta see D träna bliibend still wen ma d auga nid bewegt I han di ds erschtmol gseh amana sunntig am rii Grillfescht, du barfuass, sunnabrilla mit stil Dina rock hed im wind gspielt und du mitam wasser I han irgandwas vo Virginie-de-Spont glesa gha Du bisch hera gsessa, hesch mi gfrogt woher i da hass han I han i dini auga gluagt, es hed miar angscht gmacht So hellblau grau-grüan, tüüf wie an spirala I han mi gheia loh, und stunda sind verganga I han di nie vorher gseh gha, es gheimnis vor stadt En bluama im asfalt, en sunnaschii ir nacht Miar sind wach bliiba, i glaub miar hend eus verliabt Es hed ahgfanga regna und miar sind den zu diar Dis chaos, grösser als mis Komischa mief, aber in dem moment isch das gliich gsi Du no schnell im bad, i kenn de glasigi blick Du hesch dr dracha gjagt, i han di s erschtmol ghebt I waiss no, dini auga spieglend s meer I han sie gseh, oh ja I waiss no, en spiegel glatta see D träna bliibend still wen ma d auga nid bewegt Es isch de süassischti schmerz woni kenna Langsam sterba, aber vor liidaschaft verbrenna I han gwüsst dases irgendwen z viel wird Dases liabi oder z spiel mitem füür sie wird Aber immer miar zwei, high in dr tüüfi vo dr auga Das vertraua, de glauba ananand und ds trauma Ohni droga wärs nid ds gliicha, mit de droga isches liachter Und z wüssa ohni droga wärs nid intensiv Hend eus gschwora zum entgifta Ziita, bevor dia seifablasa platz, anara nodlaspitza Zwei interrail tickets, ab noch frankriich Im nachtzug wach gsi und ananand ahgschmiigt Dini auga hend en leeri gha, de blick ins dunkla Liachter sind kho und verschwunda, sternschnuppa Ir nacht ahkho, chliises huus direkt am wasser Träna in de auga, aber du hesch glachad.. I waiss no, dini auga spieglend s meer I han sie gseh, oh ja I waiss no, en spiegel glatta see D träna bliibend still wen ma d auga nid bewegt