Siemis Testo

Siemis Nus dein a vus alas, prendin vus cun nus en l?aria ord il mund confus, strusch real, plein colurs pli bialas. Ei dat schi biaras vias claras en quei mund abstrus, construius ord numerusas fablas. Mettas avon, ti vesses il dun da crear tiu agen mund da miraclas, nua che tut selai crear entuorn. Fuss sco dad esser ella matrix. Sas scriver tiu agen script, ed esser segirs ch?ei vegn fantastic. Mettel avon tgei quei fuss per ina tiara. Senza polluziun, tristezia, franc senz?ina sulett?uiara. Rihezia fuss repartida en fuorma adequata e mintga gada sche zatgei plai buc fagess ina pintga midada. La glina cumpara tenor giavisch duas gadas al firmament. Miez e l?autra plein sclaress ella, accumpignada dil vent che conta bi ed annunzia il clom dil di, ch?empermetta ch?ei vegn puspei inagada in emperneivel di. La fantasia metta buc cunfins, perquei sa mintgin e scadin vegnir cun sin quei viadi pign. Aschia clamein si finadin da vus: vegni cun cun nus, vegni cun cun nus! Refrain Cun ils aunghels jeu saultel, cun miu pertgirader jeu sesaulzel. Audel melodias flessegiontas ord la flauta. Ordentuorn notas sgulontas schi grondas sco plontas ed ins entaupa spassegiond atras cuntradas differentas caussas, elegantas figuras cun extravagantas structuras, caricaturas significont per las uras da subrealas imaginaziuns che da mintgin da nus cumparan, reflexiuns d'in auter mund en nies tschurvi sederasan. Igl ei schi bi veser, schi bi da prender ver maletgs plein maletgs, cun da tuttas colurs auter che ner, malegiai d'ins sez. Quei che dad ins plai ed ins quenta tier ils agens secrets. Siemis ei per mei refrestgs spirtals schi reals mo teatrals schi spert sco ins ei allerts. Bials muments ch?ins tegn sut tetg. Vesel castials en in ch?jeu stundel, sun retg. Circumdaus da tschupials tut schi pompus e cun il mantel sul schui detg jeu uss a vus... Refrain Jeu clomel tgapers e siarps, contonschel vaccas viarms, prendel femnas e maschels e scarpel ora tiarms. Aulzel tuts cun mei ad ault. Uss tuts cun mei el sault, el suffel cauld dil mund semiau, has tuc el blau sche buc ughegiau. Tgi siemia buc da saver stender la bratscha, da sesalzar e da sentir il vent en fatscha. Siemis che muentan ina massa, construi ord in halleluja, sien ed ina stupenta madrazza. Buc schei far che il fem patratga quei ch?ins vul semiar e ch?ei resultescha en in legn dalla tgagia. In siemi vegn e varga. Ei dependa mo da quei che il cuntegn nus vala. Sa la finfinala ina part da nies siemi vegnir realisada? Denton mazzan stgisas realas nossas finamiras claras pli spert che nus savein seretrer anavos en nossas fallidas tiaras. Refrain